MANILA, Philippines – INALIS na ni Pangulong Ferdinand Marcos Jr., si Philippine National Police (PNP) chief Police General Nicolas Torre III mula sa puwesto nito.
Kinumpirma ito ni Executive Secretary Lucas Bersamin.
Sa liham ni Bersamin kay Torre, nakasaad dito na “you are hereby relieved as Chief PNP effective immediately.’
Pinaalalahanan naman ni Bersamin si Torre na para sa pagpapatuloy at episyenteng paghahatid ng public service sa PNP, inatasan si Torre na na tiyakin ang maayos na turnover ng lahat ng mga bagay, mga dokumento at mga impormasyon na may kinalaman sa kanyang tanggapan.
Ang liham ay may petsang Agosto 25, 2025 na pirmado ni Bersamin.
Samantala, wala namang ibinigay na detalye kung bakit inalis si Torres sa puwesto nito. Kris Jose
