MANILA, Philippines – Kinumpirma ni House Spokesperson Atty Princess Abante na gugulong na sa susunud na Linggo ang imbestigasyon ng Kamara ukol sa kontrobersiyal na P8 Billion firearms insertion sa 2026 budget.
Ang gagawing imbestigasyon ng Kamara ay base sa naging kahilingan ni Manila Rep Benny Abante, aniya, dapat alamin kung ang pagkakasibak kay dating PNP Chief Nicolas Torre ay may kaugnayan sa pagtanggi nito para sa procurement ng 80,000 baril na nagkakahalaga ng P8 Billion.
Ang House Committee on Public Order and Safety na pinamumunuan ni Manila Rep. Rolando Valeriano ang syang mangunguna sa gagawing imbestigasyon.
“This refusal allegedly is one of the reasons for the removal of PNP Chief Torre. This matter must be thoroughly investigated,” pahayag ni Abante.
Batay sa report, isang anak ng mataas na opisyal ng Department of the Interior and Local Government (DILG) ang nasa likod ng programa. /Gail Mendoza
