MANILA, Philippines – Limang national road section sa Cordillera Administrative Region (CAR) at Cagayan Valley Region ang hindi na madaanan ng lahat ng uri ng sasakyan dahil sa pinagsamang epekto ng habagat at low-pressure area (LPA), sinabi ng Department of Public Works and Highways (DPWH) nitong Sabado.
Sa ulat kay DPWH Secretary Vince Dizon, kinumpirma ng Bureau of Maintenance na simula alas-10 ng umaga, sarado na ang mga sumusunod na seksyon ng kalsada:
1) Baguio-Itogon Road (Tertiary Road), K0263+200, Sitio Goldfield, Barangay Poblacion, Itogon, Benguet, due to soil collapse;
2) Balbalan -Pinukpuk Road (Tertiary Road) K0522+800-K0522+820, Pinukpuk Jct., Pinukpuk, Kalinga, due to soil collapse;
3) Lubuagan-Batong Buhay-Abra Boundary Road (Tertiary Road) K0476+250, Balatoc, Pasil, Kalinga, due to soil and rock collapse;
4) Cabagan-Sta. Maria Road (Secondary Road), Cabagan – Sta. Maria Overflow Bridge, K0451+462 – K0451+942, Brgy. Casibarag Norte, Cabagan, Isabela and Maozzozzin, Sta. Maria, Isabela, due to high water elevation;
Dagdag pa ng DPWH, may mga warning signs na inilagay para gabayan ang mga motorista at ang quick response teams ay nagsasagawa ng clearing operations para sa agarang muling pagbubukas ng mga apektadong kalsada.
Sa kabilang banda, dalawang seksyon ng pambansang kalsada ang madadaanan lamang ng mga magaan na sasakyan:
1) Kennon Road (Primary Road) K0223+020, Sitio Camp 2, Barangay Twin Peaks and along Rockshed approach, Camp 6, Tuba, Benguet, due to soil collapse, damaged slope protection and road slip;
2) Luyang-Poo-Lazi Road (Tertiary Road) K0018+250 – K0018+300, Cangomantong, Lazi, Siquijor, due to road slip.
Samantala, bilang bahagi ng patuloy na pagsisikap sa paghahanda, 7,209 na tauhan at 1,347 na kagamitan ang na-preposisyon at idineploy bilang mabilisang pagtugon sa buong Luzon, Negros Island Region at Eastern Visayas. RNT/MND
