MANILA, Philippines – Mabilis na inaprubahan ng Senate Committee on Finance nitong Miyerkules, Setyembre 10 ang proposed P27.3 billion budget ng Office of the President (OP) para sa fiscal year 2026.
Ipinanukala ni Senate Majority Leader Juan Miguel “Migz” Zubiri ang termination ng deliberasyon sa proposed budget ng OP sa loob ng 30 minuto na naaakma sa tradisyon. Sinegundahan naman ito ni Senador Erwin Tulfo.
Inaprubahan ni Panel chairman Senator Sherwin Gatchalian ang mosyon matapos na walang tumutol na senador.
Sa ilalim ng 2026 National Expenditure Program (NEP), inaprubahan ang P27.36 billion budget para sa OP na 72% mas mataas sa naaprubahan badyet sa fiscal year 2025.
Dumalo sa pagdinig si Executive Secretary Lucas Bersamin para irepresenta ang OP. Nagkaroon din ng presentation ang opisina at Presidential Management Staff. RNT/JGC
