MANILA, Philippines – Nangako si Pangulong Ferdinand R. Marcos Jr. ng matatag na aksyon laban sa maaksayang paggasta ng public funds.
Sinabi ng Pangulo na Official Development Assistance (ODA) ay direktang mapupunta sa mga mahahalagang sektor na direktang mapakikinabangan ng pamilyang filipino.
Sa naging talumpati ng Pangulo sa Philippine Development Forum (PDF) 2025 na idinaos sa EDSA Shangri-La in Mandaluyong City, sinabi ng Pangulo na dapat gabayan ng ‘accountability at efficiency’ ang paggamit ng national budget at external aid.
“We will not tolerate measurement without action, nor will we tolerate the wastage of public funds. Walang perang sasayangin. Hindi tayo papayag na lustayin ang kaban ng bayan, ayon sa Pangulo.
“Our national budget serves as our moral and economic compass. It must always point toward making life better for our people. Every project, every policy, every program, every peso must move the needle for Filipino families,” aniya pa rin.
Tinuran pa ng Pangulo na ang ODA ay estratehikong itsa-channel sa edukasyon, healthcare, infrastructure, social protection, agriculture, at disaster risk resilience, ang mga sektor na kanyang inilarawan bilang mahalaga sa pagpapahusay ng buhay ng mga ordinayong mamamayan.
Habang matagal nang nakasuporta ang ODA sa pag-unlad ng bansa, sinabi ni Pangulong Marcos na ang “critical bottlenecks and systemic hurdles have hindered its optimal use.”
Bilang bahagi ng kanyang reform agenda, inanunsyo ng Pangulo ang rebisyon ngInvestment Coordination Committee (ICC) guidelines—ang unang komrehensibong update sa dekadadecade—para “streamline at accelerate project implementation.”
“We are also introducing measures to simplify the issuance of Special Authority—enabling faster mobilization of assistance aligned with national priorities. Be assured that we continue to listen to the concerns and recommendations of our development partners. We are determined to go further,” ang winika pa ng Pangulo.
Ang PDF 2025, pinangangasiwaan ng DEPDev, nagsisilbi bilang plataporma para sa dayalogo sa pagitan ng pamahalaan at development partners nito sa pagbalangkas sa mga strategic priorities para sa national growth at social progress at pagtataguyod ng pagtutulungan sa ‘policy at financing priorities.’ (KRIS JOSE)
