Manila, Philippines — Na-bash si Arron Villaflor kaugnay ng isang socmed post na “Pray for Cebu” kung saan nakiramay siya sa mga biktima ng lindol sa Kabisayaan.
Ikinonek pa ang imahe niya na nagdarasal sa nasabing post ng mga pa-savage sa mga karakter nina Santino at Honesto sa inspirational TV series ng defunct ABS-CBN.
Ayon pa sa board member ng Tarlac na si Arron, lapse of judgment daw ng kanyang social media team ang nangyari.
Humingi rin siya ng dispensa sa nabanggit na post.
“First of all, gusto kong humingi ng pasensya. I want to apologize. It was a lapse from my social media team, and I told them na wala, nandito na tayo,” ani Arron.
“Let’s just learn from our mistakes, and tawang-tawa ako kasi [na-realize ko] na ganito pa pala ako ka-relevant sa mundong ‘to,” dugtong niya.
Aniya, hindi rin daw naman niya masisisi ang mga tao na batikusin siya dahil isa siyang public servant.
“For me, I am a public servant of Tarlac. The intention was there, but the photo didn’t land well.
“Sa lahat ng mga kababayan natin sa Pilipinas, ako ay humihingi ng tawad mula sa aking social media team,” bulalas niya.
“Hindi natin masisisi ang tao ngayon because everyone has the right to state their opinions, everyone has the right to say their arguments,” pahabol niya.
Gayunpaman, may leksyon daw siyang natutunan sa mga pangyayari.
“In my case, thank you for giving me this chance to apologize, and as a public servant and young leader of Tarlac, this is my advocacy. Let’s just be aware of our surroundings.
“Sa lahat ng mga ahensya, let’s just be aware of our surroundings so we can execute it well in that situation, and for us to serve with integrity and transparency,” pagtatapos niya.
Si Arron ay gumaganap bilang Joven Hernando, isang youth leader na fictional character sa historical epic na “Quezon.”
Ang Quezon ay ang huling bahagi ng Bayaniverse trilogy na nagsimula sa Heneral Luna at sinundan ng Goyo: Ang Batang Heneral, na parehong ipinrodyus ng TBA Studios.
Pinagbibidahan ni Jericho Rosales sa title role, tampok din sa powerhouse cast sina Benjamin Alves, Mon Confiado, Cris Villanueva, Romnick Sarmenta, Karylle, JC Santos, Jake Macapagal, Bodjie Pascua, Angeli Bayani, Jojit Lorenzo, Joross Gamboa, Therese Malvar, Ana Abad Santos, Ketchup Eusebio, Nico Locco, at Iain Glen ng U.S. fantasy series na Game of Thrones.
Ang Quezon, na palabas na sa buong bansa simula Oktubre 15, ay inaasahang sasagot sa mga tanong na naiwan sa dalawang naunang obra ng master director na si Jerrold Tarog. Archie Liao
