MANILA, Philippines – Sinabi ng Depatment of Transportation (DOTr) na handa na silang maglabas ng special permits para sa public transportation sa Davao upang matiyak ang patuloy na kakayahang magamit sa lugar matapos ang magnitude 7.4 na lindol na tumama sa rehiyon noong Byernes.
Ayon kay DOTr Acting Secretary Giovanni Lopez, ipinakita sa huling ulat na karamihan sa mga transport facilities sa Davao region ay operational ngunit ang ahensya ay nakikipag-ugnayan sa Land Transportation Franchising and regulatory Board (LTFRB) upang suriin ang pangangailangan para sa karagdagang ruta.
Tumama ang magnitude 7.4 na lindol sa Manay, Davao Oriental offshore noong October 10, kasunod ng magnitude 6.8 offshore earthquake noong kinagabihan.
Sinabi ni Lopez, lahat ng airports at karamihan ng mga pantalan sa lugar ay operational, maliban sa dalawa sa Mati na nagtamo ng pinsala.
Kasalukuyang prayoridad ng mga pasilidad ang cargo para sa relief efforts. Jocelyn Tabangcura-Domenden
