MANILA, Philippines – Nagpasalamat si Pangulong Ferdinand Marcos Jr. sa Hungary sa pagpapaabot nito ng tulong sa mga biktima ng sunod-sunod na lindol sa bansa.
Nag-isyu si Marcos ng pahayag kasabay ng courtesy call ni National Assembly of Hungary Speaker Kövér László sa Malacañan Palace.
“To begin with, allow me to thank your government for the assistance that you have given to us for our earthquake victims,” sinabi ni Marcos kay Kövér.
Si Kövér ay nasa bansa mula Oktubre 14 hanggang 17.
Nakatakda siyang dumalo sa Hungarian National Day reception bilang guest of honor at makikipagkita kay Senate President Vicente “Tito” Sotto III at mga miyembro ng Philippines-Hungary Friendship Group ng Senado.
Inaasahan din na bibisitahin ni Kövér ang Cebu at makikipagkita kay Governor Pamela Baricuatro at Hungarian Honorary Consul sa Cebu na si Enrilen Joy Benedicto-Tan. RNT/JGC
