MANILA, Philippines – Nagsimula muli nitong Lunes ang nationwide voters’ registration, at hinimok ng Commission on Elections (Comelec) ang publiko na huwag hintayin ang huling araw ng pagpaparehistro sa Mayo 18, 2026.
“We hope they will not wait until the end of registration,” ayon kay Comelec Chairperson George Garcia matapos bisitahin ang registration site sa Rizal Park, Maynila.
Hiniling din ni Garcia na huwag hayaang maging dahilan ang galit sa mga isyung korapsyon para hindi magparehistro.
“The hatred in your hearts, your anger, let’s just reserve it for voter registration so that we can vote,” aniya. “The ballot is our response to all the problems we see in our country.”
Gaganapin ang pagpaparehistro mula Lunes hanggang Sabado, kabilang ang mga holiday, mula alas-8 ng umaga hanggang alas-5 ng hapon. Target ng Comelec na makapagtala ng humigit-kumulang 1.4 milyong bagong botante.
Ang susunod na barangay at Sangguniang Kabataan elections ay nakatakda sa Nobyembre 2, 2026. RNT
