BACOLOD CITY, Philippines – Patay ang isang anim na taong gulang na bata sa engkwentro sa pagitan ng militar at New People’s Army sa Barangay Quintin Remo, bayan ng Moises Padilla, lalawigan ng Negros Occidental noong Martes, Oktubre 28.
Binisita ni Vice Mayor Felix Mathias Segundo Yulo ang mga labi ng biktima at nagpaabot ng tulong pinansyal sa kanyang pamilya.
Iniimbestigahan pa ng pulisya ang insidente at hindi pa nagbubunyag ang Philippine Army ng mga karagdagang detalye tungkol sa nangyaring engkwentro.
Sinabi naman ng Municipal Social Welfare and Development (MSWDO) na sasagutin ng lokal na pamahalaan ang libing at paglilibing ng biktima.
Ang kanyang pamilya ay sasailalim sa debriefing tungkol sa traumatikong insidente. RNT/MND
