1.1M bumisita sa Manila North Cemetery

MANILA, Philippines – Mahigit isang milyong bisita na ang naitala sa Manila North Cemetery hanggang nitong alas-8 ng gabi ng Sabado, Nobyembre 1.

Sa update ng Manila Police District (MPD), nasa kabuuang 1,195,326 indibidwal ang bumisita sa sementeryo nitong All Saints’ Day.

Karamihan sa mga bumisita ay dumating bandang alas-10 ng umaga.

Wala namang naitalang untoward incidents ang MPD at pamunuan ng sementeryo.

Wala ring naitalang insidente ng pagnanakaw bagamat mayroong walong naiulat na nawalang tao sa naturang araw, kabilang ang 43-anyos na may down syndrome at siyam na anyos na bata.

Samantala, mayroong 101,790 ang bumisita sa Manila South Cemetery hanggang alas-4 ng hapon. RNT/JGC