MANILA, Philippines – Nagpahayag ng pag-asa si Pangulong Ferdinand Marcos Jr. na magpapahupa sa tensyon sa West Philippine Sea ang bagong joint task force sa pagitan ng Pilipinas at Estados Unidos.
Sisiguruhin ng Task Force Philippines ang proteksyon ng freedom of navigation sa rehiyon, ayon sa ibinahagi ni Marcos sa Philippine media delegation sa pagtatapos ng paglahok nito sa 32nd Asia-Pacific Economic Cooperation (APEC) Summit.
”I hope it will lower the tensions in West Philippine Sea…” sinabi ni Marcos nang tanungin siya kung nakikita niya ang mekanismong ito para talakayin ang agresibong aksyon ng China sa rehiyon.
”It will certainly not heighten them [tensions] because it’s not something new. Wala namang bagong ginagawa. Nagkaka-heightening lang of tension kapag may sumubok ng bago. Dati hindi ginagawa, bigla na lang gagawin. ‘Yun, magkaka-tension,” dagdag pa niya.
Anang Pangulo, ang task force ay ”basically organizing ourselves into a more cohesive unit in terms of the protection of the freedom of navigation in the South China Sea, the West Philippine Sea for us.”
Magtatatag din ng mga panuntunan ang task force para makapag-operate nang maayos.
”The difference is because the vessels are different. So, you know, may carrier group, mayroong tayo rin, mayroong silang ano, so we have to work, we have to learn how to work with a different set of parameters, military parameters.”
Ang Task Force Philippines “will increase operational cooperation, improve combined planning, and enhance interoperability, particularly in the South China Sea,” saad sa pahayag ni Pentagon spokesman Sean Parnell.
Ang anunsyo sa paglikha ng task force ay kasunod ng pagpupulong nina US Secretary of War Pete Hegseth at Defense Secretary Gilberto Teodoro Jr. sa pagtitipon ng ASEAN defense ministers sa Kuala Lumpur, Malaysia. RNT/JGC
