MANILA, Philippines – Ipinahayag ni Senador Robinhood Padilla ang suporta sa pagbabalik ni Senador Panfilo “Ping” Lacson bilang tagapangulo ng Senate Blue Ribbon Committee, na ayon sa kanya ay magbibigay ng katatagan at kredibilidad sa mga imbestigasyon ng Senado.
Sa kanyang Facebook post, binanggit ni Padilla na mas mainam si Lacson, mula sa majority bloc, kaysa sa ibang senador na malinaw ang kulay pampulitika at maaaring magdulot ng pagtatalo.
Hinihimok niya ang mga kapwa senador at publiko na magtiwala sa pamumuno ni Lacson upang maisagawa ang oversight nang propesyonal at patas.
Inamin ni Padilla na may ilan sa minority bloc na mas nais si Senador Rodante Marcoleta, ngunit binigyang-diin niyang ang pagpili ng chair ng komite ay nasa majority bloc, hindi sa minority.
Nanawagan din siya ng kapanatagan, na ang politikal na pagtatalo ay makasasama lamang sa Senado. RNT
