MANILA, Philippines – Dinepensahan ng Malakanyang ang P5,000 at P10,000 cash assistance na ipinamahagi sa mga biktima ng Bagyong Tino (international name: Kalmaegi).
Sinabi ni Presidential Communications Office Undersecretary at Palace Press Officer Claire Castro na ang nasabing halaga ng ayuda ay inisyal lamang at hindi kaisa-isa o natatanging tulong mula sa gobyerno para sa mga apektadong pamilya.
“There’s no need to criticize because during the previous administration, the same amount was also given as initial assistance. This is just initial aid, let’s remember that. The President has already provided P760 million to the areas affected by Typhoon Tino,” ang sinabi ni Castro.
“It means that the cash assistance being given is help for the family,” aniya pa rin.
Ani Castro, maliban sa P5,000 at P10,000 cash assistance, binigyan din ng pondo ang local government units para sa recovery o pagbangon ng kanilang bayan o lungsod.
“The President’s assistance does not end there,” giit ni Castro.
Sa ulat, sa isang Facebook post noong nakaraang linggo, kinuwestiyon ni dating Commission on Elections (Comelec) Commissioner Rowena Guanzon ang halaga ng ipinapamahaging ayuda ng gobyerno para sa nasirang tahanan dahil sa bagyong Tino.
“The budget for flood control is 1 billion [pesos] a day, but when it comes to disasters, it’s only 5 to 10 thousand [pesos]????” tanong ni Guanzon.
Nito lamang Lunes, muling kinuwestiyon ni Guanzon ang nasabing ayuda sabay tanong na, “What good is the government’s P5,000–P10,000 aid if it takes forever to reach people?”
Hindi naman lingid sa kaalaman ng publiko ang usapin ng di umano’y korapsyon, lalo na’t may kaugnayan sa flood control projects, kasalukuyang nagsisilbing salot sa gobyerno ng Pilipinas. Kris Jose
