MANILA, Philippines – Sinabi ng Philippine National Police (PNP) nitong Martes na nananatili itong nasa full alert status kahit tinapos na ang dapat na tatlong araw na rally ng Iglesia ni Cristo (INC).
Tinapos ng INC ang kanilang kilos-protesta sa Luneta Park sa Maynila noong Lunes ng gabi, na sinabing ang mga miyembro nito ay hindi kailangan ng ikatlong araw upang iparating ang kanilang mga panawagan para sa “transparency and a better democracy.”
“The PNP remains on full alert. We urge everyone to continue observing safety protocols, stay vigilant, and immediately report any suspicious activities,” ayon kay acting PNP Chief Lt. Gen. Jose Melencio Nartatez Jr.
Umabot sa 600,000 ang nakilahok sa Luneta Park noong alas-6:00 ng hapon ng Lunes, ayon sa Manila Police District (MPD).
“Despite the large turnout, the atmosphere has remained calm, organized, and respectful,” saad ni Nartatez.
“We are sincerely grateful for the discipline, cooperation, and willingness of attendees to follow safety reminders, which have been crucial in maintaining a secure environment for everyone,” dagdag niya.
Nauna nang sinabi ng PNP na nasa full alert status ito bago ang tatlong araw na rally na itinakda ng INC sa Luneta at United People’s Initiative (UPI) sa People Power Monument sa Quezon City.
Sa bahagi nito, sinabi ng UPI—isang grupo na pangunahing binubuo ng mga retiradong opisyal ng militar at pulisya—ay magpapatuloy ito sa ikatlong araw ng rally nito sa Martes, Nob. 18.
Mahigit 16,000 pulis ang idineploy para i-secure ang mga rally.
Nauna nang sinabi ng Department of the Interior and Local Government na naging mapayapa ang mga rally sa ngayon. RNT/MND
