MANILA, Philippines – Libu-libong public school teachers sa buong Pilipinas ang magsasagawa ng nationwide sit-down strike sa Nobyembre 28, titigil sa regular na klase upang makipag-usap sa mga estudyante tungkol sa accountability, katarungan, at mga isyu sa edukasyon.
Inanunsyo ng Alliance of Concerned Teachers (ACT) Philippines ang koordinadong “day of resistance,” na sasaklaw sa school-level protests at alternatibong aktibidad na iaayos ng mga regional formations at campus chapters.
Binigyang-diin ni ACT Chairperson Ruby Bernardo na tungkulin ng mga guro ang pagbibigay-kaalaman sa kabataan at pagtatanggol sa kinabukasan ng edukasyon at bansa.
Sa araw ng strike, hindi muna magtuturo ng regular na leksyon ang mga guro at ituturo ang sistemikong problema, accountability ng pamahalaan, at ipapakita ang pangangailangan ng tunay na pagbabago.
Layunin ng protesta na itampok ang mababang sahod, kakulangan sa silid-aralan, kulang na pondo para sa edukasyon, at diumano’y kapabayaan at katiwalian ng gobyerno.
Kina-criticize ng ACT ang administrasyong Marcos-Duterte dahil sa hindi pagbibigay prayoridad sa kapakanan ng publiko at sapat na pondo para sa edukasyon.
Suportado rin ang strike ng ibang public sector unions at government employee organizations, na nag-aalyansa sa panawagan na wakasan ang katiwalian at ibaling ang pondo ng gobyerno sa mga pangunahing serbisyo. Santi Celario
