MANILA, Philippines – Dalawang opisyal ng Philippine Coast Guard (PCG) ang nakatanggap ng liham ng papuri mula sa International Maritime Organization (IMO) para sa kanilang pagsisikap sa women empowerment sa maritime sector.
Sa isang pahayag nitong Biyernes, sinabi ni PCG Spokesperson Capt. Noemie Cayabyab na si Rear Admiral Mitzie Silva-Campo at Commodore Christine Pauline Bergaño-Diciano ay nakatanggap ng mga papuri sa ilalim ng IMO Gender Equality Award.
Ang mga pagkilala, aniya, ay itinampok ang lumalagong pamumuno ng Pilipinas sa pagtataguyod ng pagiging inklusibo at kahusayan sa pandaigdigang pamayanang maritime.
“The PCG celebrates their achievements as they continue to inspire future generations of women in maritime service,” ayon kay Cayabyab.
Si Silva-Campo ay pinuri sa pagbuo ng mga patakarang tumutugon sa kasarian na nagbukas ng mga pinto para sa kababaihan na makamit ang ranggo sa PCG.
Sa kabilang banda, pinapurihan si Bergaño-Diciano sa pagtataguyod ng women empowerment sa maritime sector sa buong Southeast Asia.
Natanggap nina Silva-Campo at Bergaño-Diciano ang kanilang mga liham ng papuri sa ika-135 na sesyon ng IMO na ginanap sa London mula Nob. 20 hanggang 21. RNT/MND
