MANILA, Philippines – Si Cassandra Li Ong, ang dokumentadong kinatawan ng kontrobersyal na Philippine Offshore Gaming Operator (POGO) Lucky South 99, ay lumipad patungong Japan kasunod ng kanyang paglaya mula sa pagkakakulong.
Iniulat ni Presidential Anti-Organized Crime Commission (PAOCC) spokesperson Winston Casio nitong Sabado ang huling sinusubaybayang lokasyon ni Ong sa isang news forum sa Quezon City.
Si Ong ay may aktibong warrant of arrest na inisyu ng Pampanga Regional Trial Court (RTC) noong Mayo para sa qualified human trafficking kaugnay ng umano’y scam hub operations ng Lucky South 99.
Ang pahayag ni Casio ay isang araw matapos sabihin ni Senador Sherwin Gatchalian sa isang panel ng Senado na nakalaya na si Ong mula sa pagkakakulong at ngayon ay “at large.” RNT/MND
