Hindi na napiga ng mga Senador si dismissed Bamban, Tarlac Mayor Alice Guo nang humarap sa pagpapatuloy
ng pagdinig ng Senado.Ginigisa ng mga senador si Sual, Pangasinan Mayor Liseldo Dong Calugay sa posibilidad na relasyon o ugnayan nila ni Guo. CESAR MORALES
MANILA, Philippines – Planong dalhin si dating Bamban, Tarlac mayor Alice Guo sa maximum-security facility sa oras na ipag-utos ng korte ng paglilipat sa kanya sa Correctional Institution for Women (CIW), ayon kay Bureau of Corrections (BuCor) Director General Gregorio Catapang Jr. nitong Sabado, Nobyembre 22.
Ani Catapang, sasailalim muna si Guo sa medical examination at five-day quarantine bago ipasok sa maximum-security prison.
Noong Huwebes, matatandaang sinentensyahan ng Pasig City Regional Trial Court (RTC) si Guo ng life imprisonment para sa qualified human trafficking na may kaugnayan sa illegal na aktibidad ng Philippine Offshore Gaming Operator (POGO).
Kasunod nito ay naghain si Guo ng mosyon na manatili sa Pasig City Jail Female Dormitory sa halip na ilipat sa all-women correctional facility kasunod ng kanyang conviction.
Diringgin ng korte ang mosyon ni Guo sa Nobyembre 26.
Plano umano ng BuCor na magtalaga ng karagdagang security personnel upang masiguro ang kaligtasan ni Guo habang siya ay nasa maximum-security facility. RNT/JGC
