MANILA, Philippines – Inaprubahan ng Asian Development Bank (ADB) ang serye ng mga pagbabago sa energy policy nito.
“These changes further enhance ADB’s ability to support countries in Asia and the Pacific as they work to meet their rapidly growing energy needs,” sinai ni ADB President Masato Kanda.
Tinukoy sa panukalang policy shift ay ang pagpopondo sa nuclear power na tinukoy ng ADB bilang mahalagang technology option sa mga bansa na naghahanap ng alternatibong paraan sa kuryente.
“Nuclear power, for example, is an important technology option for countries looking for reliable alternatives to baseload electricity.”
Magbibigay-daan ang mga pagbabagong ito sa pagsuporta ng ADB sa nuclear power kabilang ang investments sa kauna-unahang pagkakataon.
Susuportahan ng ADB ang developing member countries na magsusulong ng nuclear power at makikipagtulungan sa International Atomic Energy Agency (IAEA) at iba pang international authorities para sa “international best practices” na makatutugon umano sa mahigpit na standard sa nuclear power.
Inaasahang pipirma si Kanda ng kasunduan sa IAEA ngayong linggo. RNT/JGC
