MANILA, Philippines – Humiling si Ombudsman Jesus Crispin Remulla sa Bureau of Immigration (BI) na ipagbawal ang paglalakbay sa ibang bansa ng 77 indibidwal, kabilang ang mga kongresista, na kasalukuyang iniimbestigahan kaugnay ng “anomalous” flood control project.
“We’ve been studying the possibilities of keeping these people in the country,” ani Remulla. “It is within the power of the Ombudsman to tell them not to leave the country.”
Sinabi niya na kabilang sa listahan ang mga senador, kongresista, at kontratista, ngunit hindi niya tinukoy kung ilan sa bawat kategorya.
“They should not be travelling and leaving this jurisdiction… When we join the government, we surrender the right to travel because every time we travel, we have to get a travel authority,” dagdag niya.
Ani Andres Reyes Jr., Chairman ng Independent Commission for Infrastructure (ICI), hihilingin din nila sa BI na maglabas ng immigration lookout bulletin orders laban sa pitong kongresistang nirekomendang kasuhan: sina Augustina Dominique Pancho, Joseph Lara, Francisco Matugas, Noel Rivera, Edwin Gardiola, James Ang Jr., at Jernie Jett Nisay.
Ayon kay Reyes, batay sa ebidensya ng ICI, lumalabag sa batas ang pitong kongresista. RNT
