DAVAO DEL NORTE — Nasamsam ng Philippine Drug Enforcement Agency (PDEA) ang tinatayang P4.5 milyon halaga ng shabu matapos arestuhin ang dalawang suspek sa isang buy-bust operation noong Nobyembre 25 sa Barangay Ising.
Ang mga suspek na kilala sa alyas na “Dodong” at “Jun” ay nahuli habang sinusubukang magbenta ng humigit-kumulang 25 gramo ng shabu na nagkakahalaga ng P125,000 sa isang undercover agent bandang alas-3 ng umaga.
Sa karagdagang paghahanap, nakumpiska ang 11 sachet ng pinaghihinalaang shabu na may kabuuang timbang na humigit-kumulang 550 gramo, kasama ang drug paraphernalia at marked buy-bust money.
Isinagawa ang operasyon ng PDEA Regional Office 11 sa pakikipagtulungan sa Davao del Norte at Davao de Oro Provincial Offices, 2nd Davao del Norte Provincial Mobile Force Company, at Carmen Municipal Police Station.
Haharapin ng parehong suspek ang kasong paglabag sa Republic Act 9165 o Comprehensive Dangerous Drugs Act of 2002. Dave Baluyot
