MANILA, Philippines – Isinagawa ng Filipino at Japanese naval at air units ang ikatlong bilateral maritime cooperative activity (MCA) sa West Philippine Sea (WPS) noong Nobyembre 29, inanunsyo ng Armed Forces of the Philippines (AFP).
Sa pahayag, sinabi ng AFP na ang pinakahuling MCA ay nagpapakita ng “steady growth of defense cooperation” sa pagitan ng Pilipinas at Japan.
Sa ikatlong pagkakataon, ipinadala ng AFP ang guided-missile frigate BRP Antonio Luna (FF-151), isang AW-159 “Wildcat” anti-submarine helicopter at Philippine Air Force C-208B surveillance aircraft.
Nagpadala naman ang Japan na pinangungunahan ng Japan Maritime Self-Defense Force (JMSDF) ng guided-missile destroyer JS Harusame (DD-102) at SH-60K helicopter.
Ang unang bilateral MCA kasama ang Japan ay ginanap noong Agosto 2024 habang ang ikalawa ay ginawa noong Hunyo.
“Both forces carried out a series of interoperability activities, including division tactics/officer of the watch maneuver, where participating ships practiced coordinated movements and station-keeping; and a PHOTOEX (photographic exercise) which involved maintaining precise formation for documentation of the activity,” sinabi ng AFP.
Bukod dito, idinaos din ang cross-deck landing exercise para maging pamilya ang helicopter crew at ship personnel sa deck procedures at palakasin ang koordinasyon sa aviation operations.
Ayon sa AFP, ang MCA kasama ang Japan ay naganap isang araw matapos naman ang matagumpay na Philippine–France MCA noong Nobyembre 28 sa Eastern Mindanao. RNT/JGC
