MANILA, Philippines – Magsisimula sa Disyembre 8, 2025 ang PHP35 na pagtaas ng arawang sahod para sa mga manggagawa sa Eastern Visayas, ayon sa anunsyo ng Regional Tripartite Wages and Productivity Board (RTWPB).
Ipapairal ang pagtaas sa dalawang bahagi: PHP17 sa Disyembre 8 at PHP18 sa Hunyo 1, 2026.
Sa bagong sahod, ang arawang minimum para sa mga manggagawa sa agrikultura, cottage, handicraft, at maliliit na service/retail establishments ay tataas mula PHP405 hanggang PHP440.
Ang mga manggagawa sa mas malalaking non-agriculture at service/retail establishments ay makakatanggap ng PHP435 hanggang PHP470.
Binanggit ng RTWPB ang mga regional economic indicators bilang dahilan ng pag-apruba.
Inaprubahan rin ang pagtaas para sa mga kasambahay: PHP6,400 kada buwan sa chartered cities at first-class municipalities, at PHP5,800 sa ibang lugar.
Ang mga employer na hindi susunod ay maaring patawan ng parusa ayon sa Wage Rationalization Act. RNT
