MANILA, Philippines – Nakakuha ng panibagong freeze order ang Anti-Money Laundering Council (AMLC) mula sa Court of Appeals.
Dahil dito ay umakyat sa P13 bilyon ang kabuuang halaga ng frozen assets sa ilalim ng malawakang imbestigasyon sa maanomalyang flood control projects.
Sa pahayag nitong Biyernes, Disyembre 5, sinabi ng AMLC na ang pinakabagong direktiba na may petsang Disyembre 4 ay sakop ang mga asset ng isang pribadong construction company.
Ang kompanya ay “identified as having the greatest number of ghost flood control projects, along with entities and individuals linked to the construction firm.”
Hinarang sa bagong kautusan ng korte ang 280 bank accounts, 22 insurance policies, tatlong securities accounts at walong air assets.
“The filing of this petition for a freeze order underscores the AMLC’s firm commitment to recover every peso of public funds that may have been misused,” ayon kay Matthew David, executive director ng AMLC. RNT/JGC
