MANILA, Philippines – Pinapayagan ang mga estudyante sa pampublikong paaralan na magsagawa ng Christmas parties ngayong taon, ngunit pinaaalalahanan ang mga administrador na panatilihing “simple” at “boluntaryo” ang mga ito.
Itinanggi ng Department of Education (DepEd) ang mga post sa social media na nag-uulat na ikinakansela ang Christmas parties, at hinimok ang mga magulang na umasa lamang sa opisyal na impormasyon.
“Fake news ang kumakalat na post tungkol sa umano’y pagtanggal ng Christmas Party sa mga paaralan,” ayon sa advisory ng ahensya noong December 7.
Pinaalalahanan din ng DepEd ang publiko na huwag magbahagi ng hindi beripikadong impormasyon. “Pinapaalalahanan ang publiko na maging mapanuri at i-report ang mga page na nagpapakalat ng maling impormasyon,” sabi nito.
Ayon sa DepEd Order No. 52-22, boluntaryo ang Christmas parties para sa mga estudyante, guro, at kawani sa pampublikong elementarya, high school, at kolehiyo.
“All Christmas parties, themes, costumes, decoration, and exchange gifts are voluntary. No learner or DepEd personnel should be forced to contribute, participate, or use their money for the celebration,” nakasaad sa kautusan.
Hinimok ang mga paaralan na gawing “simple yet meaningful” ang kanilang selebrasyon.
“Christmas party themes should not result to expenses that will become a burden on parents, students, and DepEd personnel,” dagdag pa nito. Santi Celario
