MANILA, Philippines – Inanunsyo ng House of Representatives ang 12-miyembrong contingent para sa bicameral conference committee na tatalakay sa panukalang P6.793 trilyong 2026 national budget.
Kabilang dito sina House Appropriations Committee Chair Mikaela Suansing at House Minority Leader Marcelino Libanan. Kasama rin sa listahan sina Albert Garcia, Kristine Singson-Meehan, Jose Alvarez, Maria Carmen Zamora, Romeo Momo Sr., Rufus Rodriguez, Jurdin Romualdo, Brian Yamsuan, Javier Benitez, at Allan Ty.
Inihain ni House Majority Leader Sandro Marcos ang mosyon para ideklara ang mga miyembro, at ito ay naaprubahan.
Ayon kay Senate President Vicente Sotto III, magsisimula ang deliberasyon ng bicam sa Disyembre 12 at inaasahang matatapos sa Disyembre 14 o 15. RNT
