MANILA, Philippines – Limitado ang operasyon ng Light Rail Transit 1 (LRT-1) nang halos apat na oras kasunod ng “technical fault” sa pagitan ng MIA Road Station at Redemptorist Aseana Station nitong Lunes ng umaga, Disyembre 15 ayon sa Light Rail Manila Corporation (LRMC).
“Trains are running only from Baclaran Station to Fernando Poe Jr. Station (and vice versa),” saad sa abiso ng LRMC.
Sa kaparehong abiso, sinabi ng LRMC na nagsimula ang temporary suspension ng operasyon bandang 6:22 ng umaga.
“We sincerely apologize for the inconvenience and appreciate your understanding as we work to fully restore operations,” ayon sa LRMC.
Sa kasalukuyan ay hindi pa sinasabi ng LRMC kung ano ang dahilan ng “technical fault.”
Nagbalik naman ang full operation ng LRT-1 pagsapit ng 10:10 ng umaga. RNT/JGC
