MANILA, Philippines – Nagkasundo ang Pilipinas at Australia na magpalitan ng impormasyon sa imbestigasyon ng Bondi Beach shooting, ayon sa Department of Foreign Affairs (DFA).
Sa isang phone call, tiniyak nina Foreign Affairs Secretary Ma. Theresa Lazaro at Australian Foreign Minister Penny Wong na patuloy ang kooperasyon sa seguridad at pagpapatupad ng batas.
Sinabi ni Lazaro sa X na “The Philippines stands firmly in solidarity with Australia and underscores strong Philippine-Australia cooperation in security and law enforcement matters” at nagpaabot ng pakikiramay sa mga biktima ng trahedya.
Ang ama at anak na gunmen, sina Sajid at Naveed Akram, ay iniulat na bumisita sa Pilipinas noong nakaraang buwan, ngunit patuloy pa rin ang imbestigasyon sa layunin ng kanilang pagbisita. Dave Baluyot
