MANILA, Philippines – NANAWAGAN si Pangulong Ferdinand Marcos Jr. sa lahat ng national government agencies na i-adopt ang austerity measures para sa Christmas at year-end celebrations dahil sa kamakailan lamang na natural disasters at kalamidad na labis na nakaapekto sa bansa.
Sa bisa ng kapangyarihan ng Pangulo, nagpalabas i Executive Secretary Ralph Recto ng Memorandum Circular 110 noong December 15, inatasan ang lahat ng national government agencies (NGAs) at instrumentalities na magpatupad ng mas simple, mas ‘restrained’ na holiday observances.
Sakop din ng direktiba ang government-owned or controlled corporations at state universities and colleges.
“(Government agencies are directed) to keep Christmas and year-end celebrations simple and meaningful, in solidarity with all Filipinos still recovering from recent disasters,” ang nakasaad sa circular.
Habang kinikilala ang awtonomiya na ini-enjoy ng mga ito, hinikayat naman ng Malakanyang ang local government units na i-adopt ang kahalintulad na hakbang.
“In light of recent natural disasters and calamities in the country, it is necessary to adopt austerity measures during the Christmas season to ensure greater efficiency in public spending,” ang nakasaad pa rin sa circular.
Hangad ng kautusan na pigilan ang maling paggamit ng government resources, i-promote ang kultura ng pagiging simple sa burukrasya at suportyahan ang pagsisikap ng gobyerno na iprayoridad ang mahahalagang mga programa at serbisyo.
“The Marcos administration remains committed to fiscal discipline and the prudent use of government resources, aligned with the country’s socio-economic priorities and ongoing expenditure management reforms,” ayon sa circular.
Binanggit naman ng MC 110 ang Executive Order No. 292, o ang Administrative Code of 1987, na nagbibigay mandato sa lahat ng government resources na “be managed, expended, and utilised” ayon sa “relevant laws, rules, and regulations, and safeguarded against loss or wastage to ensure efficiency, economy, and effectiveness in government operations.” Kris Jose
