MANILA, Philippines – Naglabas ng bagong set ng mga dokumento si Batangas 1st District Rep. Leandro Leviste nitong Huwebes, Disyembre 25 na ibinigay umano sa kanya ni dating Public Works Undersecretary Maria Catalina Cabral na nagdedetalye ng mga alokasyon ng Department of Public Works and Highways (DPWH) sa bawat distrito, probinsya, at rehiyon mula 2023 hanggang 2026.
Inilabas ni Leviste ang mga dokumento na binubuo ng mahigit 60 na screenshot sa kanyang Facebook page sa mismong araw ng Pasko.
Ang alokasyon ay nagkakahalaga ng mahigit P3.5 trilyon na inilarawan ni Leviste na P130,000 kada pamilya ang halaga.
Ipinaliwanag niya na ang mga dokumento na inilabas niya noong una ay ang 2025 allocations ng DPWH sa bawat congressional district.
Sa naunang summary na inilabas ay naglalaman ito ng “allocable” o badyet na inilaan sa mga proyekto ng DPWH sa bawat distrito na nagkakahalaga ng P401.3 bilyon na lumobo sa P1.041 trilyon dahil sa “outside allocable.”
“Ito naman po ay 2023-2026. Ito po ay base sa datos na ibinigay ng DPWH, with the approval of Secretary Vince Dizon, kasama ng aming kompilasyon ng budget data,” ani Leviste.
Sa screenshot na mula 2023 hanggang 2026, nakita na ang may pinakamalaking alokasyon sa regional basis ay napunta sa Region III (Central Luzon) na may kabuuang P406.927 billion.
Sinundan ito ng Region IV-A (Calabarzon) sa P341.876 billion, at Region V (Bicol Region) sa P272.366 billion.
Ang National Capital Region (NCR) ay mayroong alokasyon na P231.412 billion.
Narito naman ang alokasyon sa iba pang mga rehiyon mula sa pinakamalaki hanggang pinakamaliit:
Region VIII (Eastern Visayas): P214.351 billion
Region X (Northern Mindanao): P214.112 billion
Region IV-B (Mimaropa): P202.945 billion
Region I (Ilocos Region): P188.69 billion
Region II (Cagayan Valley): P178.356 billion
Region VII (Central Visayas): P177.23 billion
Region XI (Davao Region): P169.212 billion
Region XIII (Caraga Region): P149.133 billion
Cordillera Administrative Region (CAR): P119.96 billion
Region VI (Western Visayas): P111.802 billion
Region XII (Soccksargen): P109.755 billion
Region IX (Zamboanga Peninsula): P93.947 billion
Negros Island Region (NIR): P91.823 billion
Bangsamoro Autonomous Region in Muslim Mindanao (BARMM): P28.489 billion
Samantala, sa Metro Manila, ang 1st District ng Taguig ang nakatanggap ng pinakamalaking bahagi ng alokasyon sa P18.433 bilyon na sinundan ng Quezon City 4th District sa P14.17 billion at Valenzuela 1st District naman sa ikatlong pwesto sa P9.707 billion.
Narito pa ang ibang distrito na may pinakamalaking alokasyon mula 2023 hanggang 2026:
Region I: Ilocos Norte 1st District at P42.398 billion, La Union 2nd District at P23.458 billion, Ilocos Norte 2nd District at P18.18 billion
CAR: Abra Lone District, at P41.66 billion, Benguet Lone District at P20.334 billion, Apayao Lone District at P15.444 billion
Region II: Nueva Vizcaya Lone District at P27.864 billion, Isabela 4th District at P19.752 billion, Isabela 1st District at P18.34 billion
Region III: Bulacan 3rd District at P33.071 billion, Zambales 2nd District at P33.002 billion, Tarlac 2nd District at P29.953 billion
Region IV-A: Quezon 1st District at P26.017 billion, Quezon 2nd District at P21.399 billion, Batangas 4th District at P20.562 billion
Region IV-B: Occidental Mindoro Lone District at P42.975 billion, Oriental Mindoro 1st District at P41.749 billion, Romblon Lone District at P34.461 billion
Region V: Albay 2nd District at P44.103 billion, Sorsogon 4th District at P27.46 billion, Camarines Sur 5th District at P21.388 billion
Region VI: Antique Lone District at P15.942 billion, Iloilo 3rd District at P13.221 billion, Iloilo 1st District, P9.799 billion
NIR: Negros Oriental 2nd District at P14.972 billion, Negros Occidental 5th District at P9.222 billion, Bacolod City Lone District at P9.035 billion
Region VII: Cebu 7th District at P32.874 billion, Bohol 3rd District at P19.836 billion, Cebu 1st District at P16.383 billion
Region VIII: Leyte 1st District at P32.146 billion, Tacloban City (Leyte 1st District) at P31.394 billion, Eastern Samar Lone District at P22.459 billion
Region IX: Zamboanga City 2nd District at P13.894 billion, Zamboanga Sibugay 2nd District at P11.493 billion, Zamboanga del Sur 1st District at P11.215 billion
BARMM: Sulu 1st District at P5.822 billion, Lanao del Sur 2nd District at P4.779 billion, Sulu 2nd District at P4.758 billion
Region X: Bukidnon 3rd District at P33.065 billion, Bukidnon 2nd District at P27.112 billion, Misamis Oriental 2nd District at P24.866 billion
Region XI: Davao del Norte 2nd District at P23.195 billion, Davao de Oro 1st District at P21.19 billion, Davao del Sur Lone District at P19.904 billion
Region XII: Sarangani Lone District at P15.827 billion, North Cotabato 2nd District at P14.056 billion, North Cotabato 3rd District at P12.081 billion
Region XIII: Agusan del Norte 1st District at P28.719 billion, Agusan del Sur 1st District at P20.481 billion, Agusan del Sur 2nd District at P19.977 billion
Ani Leviste, ang mga file na ito ay ibinigay ng DPWH bilang tugon sa request sa nagdaang budget deliberations.
“Ang mga datos na ito ay capital outlays para sa local projects at hindi pa kasama ang Personnel Services, Maintenance and Other Operating Expenses, at Foreign-Assisted Projects,” sinabi pa ni Leviste.
“Para sa mga nagkwekwestiyon: mas mabuting tanungin si Sec. Vince o ang DPWH para kumpirmahan itong P3.5T DPWH budget distribution figures. Kahit wala na po si yumaong USec Cabral, si Sec Vince at ang kanyang team ay makakasagot pa.” RNT/JGC
