MANILA, Philippines – Tinitingnan na ng mga awtoridad ang posibilidad na nakaranas ng depression ang nawawalang pari ng Babatngon, Leyte na si Edwin “Kutz” Caintoy dahil sa hindi pagkakaunawaan sa kanyang “adopted son,” ayon sa Philippine National Police (PNP) nitong Lunes, Disyembre 29.
Si Caintoy ay huling nakita bandang 9:52 ng umaga noong Disyembre 23 na naglalakad mula sa VSYS Department Store patungo sa Robinsons North Tacloban.
“They are looking at the angle of the possibility that the priest was depressed over whom he called his adopted son,” sinabi ni PNP public information chief Brig. Gen. Randulf Tuaño sa briefing sa Camp Crame.
“He was under the care of the priest and suddenly left him after a minor disagreement. The latest report, based on coordination with PRO 8, is that the so-called adopted son went to Cavite,” dagdag pa niya.
Hindi naman tinukoy ni Tuaño ang “adopted son” ng nawawalang pari.
Samantala, tinawag na fake news ni Tuano ang kumakalat na post online na sinasabing natagpuan na si Caintoy. RNT/JGC
