MANILA, Philippines – Magpapakalat ang Philippine National Police (PNP) ng humigit-kumulang 15,000 tauhan upang siguraduhin ang kaayusan sa Traslacion 2026 sa Enero 9 sa Quiapo, Manila, isa sa pinakamalaking taunang religiyosong pagtitipon sa bansa.
Ayon kay Manila Police District spokesperson PMaj. Philip Ines, sasamahan ng mga tauhan mula sa ibang ahensya ng gobyerno ang deployment upang mapanatili ang kaayusan at seguridad sa gitna ng inaasahang dami ng deboto.
Magbubukas ng mga alternatibong ruta habang isasara ang ilang kalsada para sa prusisyon, at naipamahagi na rin ang mga patakaran sa bawal dalhin na kagamitan.
Wala pang iniulat na seryosong banta sa naturang pagtitipon. Santi Celario
