BENGUET, Philippines – Isang beteranong guro na 30 taon nang nasa parehong ranggo ang pinromote ng tatlong antas dahil sa Expanded Career Progression program ng Department of Education (DepEd), ayon sa mga opisyal nitong Lunes.
Si Marcelina Gosgos ng Balili Elementary School ay isa sa 8,811 DepEd personnel sa Cordillera na na-promote.
“Without the reclassification, I will retire as Teacher III Step 8, but with God’s grace… I will retire as Teacher VI,” sabi ni Gosgos sa mass oathtaking ng 1,937 promoted personnel sa Benguet.
Ayon kay Dr. Estela Cariño, DepEd-Cordillera director, ang rehiyon ay nakatanggap ng karagdagang ₱1.4 bilyon para sa taunang sahod ng mga na-promote.
“I do hope the teachers will be inspired and happy… they would be more inspired to teach,” dagdag niya.
Hinikayat naman ni Benguet Governor Melchor Diclas ang mga guro na panatilihin ang mataas na ranggo ng lalawigan sa functional literacy.
Ani DepEd Undersecretary Wilfredo Cabral, layunin ng programa na mabigyan ang guro ng dignidad at makapokus sa pagtuturo, habang ang administrative tasks ay ipapasa sa ibang tauhan. RNT/MND
