MANILA, Philippines – Ayon sa PAGASA, magpapatuloy ang pag-ulan sa malaking bahagi ng bansa ngayong Martes, Enero 6, 2026, dahil sa apat na umiiral na weather systems.
Isang Low Pressure Area (LPA) ang nasa 725 km southwest ng Pag-asa Island, Palawan, ngunit hindi inaasahang magiging tropical cyclone sa loob ng susunod na 24 oras.
Ang trough ng LPA ay magdudulot ng scattered rains at thunderstorms sa Zamboanga Peninsula, Basilan, Tawi-Tawi, at Palawan.
Shear line naman ang magdadala ng scattered rains at isolated thunderstorms sa Bicol Region, Quezon, Oriental Mindoro, Marinduque, Romblon, at Northern Samar.
Ang easterlies ay magbibigay ng parehong kondisyon sa Visayas.
Ang northeast monsoon (amihan) ay magdudulot ng light rains sa CAR, Cagayan Valley, at Aurora, habang Metro Manila at ibang bahagi ng Luzon ay makakaranas lamang ng isolated light rains.
Sa Mindanao, ang easterlies ay magdadala ng isolated rainshowers o thunderstorms sa iba pang lugar.
Nagbabala rin ang PAGASA na ang moderate to heavy rains ay maaaring magdulot ng flash floods at landslides.
Sa karagatan, moderate to strong winds at moderate to rough seas ang asahan sa Luzon at sa silangang bahagi ng Visayas at Mindanao, habang sa ibang lugar, light to moderate winds at slight to moderate coastal waters ang kondisyon. RNT/MND
