MANILA, Philippines – Itinakda ng Bureau of Customs (BOC) ang Pebrero 14 bilang bagong deadline sa paghahatid ng tinatayang 130,000 abandonadong “balikbayan” boxes sa mga pamilya ng overseas Filipino workers (OFWs).
Ang dating deadline ay Enero 6, ayon kay BOC Deputy Chief of Staff Chris Noel Bendijo sa isang panayam sa radyo.
Ayon kay Bendijo, kumukuha rin ang BOC ng karagdagang logistics companies upang mapabilis ang paghahatid.
“Our commissioner, Ariel Nepomuceno, had already given instructions for us to explore or get additional logistics partners to speed up the process … But hopefully, we would finish it before Valentine’s Day,” sabi niya.
Ang mga pakete ay idineklara bilang abandonado dahil sa hindi pagbabayad ng buwis ng mga lokal na partner ng shipping firms.
Noong Disyembre 6, 2025, ang 144 container vans na naglalaman ng mga boxes ay ipinamamahagi para sa sorting at delivery sa limang pantalan: Manila International Container Port (88), Cebu (50), Subic (3), Davao (2), at Port of Manila (1).
Inamin ni Bendijo na mahirap ang proseso ng paghahatid at humihingi ng pasensya mula sa OFWs.
“Give us a little more time. The process we went through was just difficult,” ani Bendijo. Dave Baluyot
