MANILA, Philippines – Nagbabala ang Phivolcs at mga lokal na disaster authorities na ang Tropical Storm Ada ay maaaring magdadala ng pag-baha at mapanganib na lahar flows mula Mt. Kanlaon sa Visayas at ilang bahagi ng Mindanao.
Ayon kay Phivolcs volcanologist Mari-Andylene Quintia, ang matinding ulan mula kay Ada ay maaaring magpalipat ng malalaking bato at graba mula sa nakaraang abo ng Kanlaon, na posibleng magdulot ng impact, at pagbaha.
Ang Kanlaon ay nasa Alert Level 2 at nakapagtala ng 46 volcanic earthquakes mula Huwebes gabi hanggang Biyernes umaga.
Nanganganib ang Bago City, La Carlota City, La Castellana, Moises Padilla, San Carlos City sa Negros Occidental, at Canlaon City sa Negros Oriental.
Sa Eastern Visayas, higit 620 pamilya o 2,300 katao ang naapektuhan ng baha, partikular sa Borongan City, Eastern Samar, kaya ipinagpaliban ang klase at trabaho.
Sa Naval, Biliran, 93 pamilya ay preemptively evacuated, at sa Tacloban City tumaas ang tubig sa ilang barangay.
Ang DSWD ay naghanda ng 162,656 food packs at 17,529 nonfood items para sa mga apektadong pamilya.
Pinayuhan ng regional disaster office ang mga LGU na patuloy na bantayan ang bagyo at magsagawa ng preemptive evacuation sa mga prone na lugar.
Sa Northern Mindanao, bahagyang ulan ang naitala sa Cagayan de Oro at Bukidnon, habang minomonitor ang watershed areas na maaaring magdulot ng pagbaha sa Cagayan River.
Sa Bicol, sa Masbate, inutusan ng provincial government ang preemptive at forced evacuation sa mabababang lugar at coastal areas, kasabay ng suspensyon ng klase.
Naglabas din ang PAGASA ng yellow rainfall warning para sa posibleng pagbaha sa low-lying areas. RNT/MND
