Kris, iniiwasan na ni Aljur!

Manila, Philippines – Nananawagan ngayon si Kris Bernal sa mga taong makakasagot ng kanyang katanungan.

Puzzled kasi ang aktres kung ano’ng dahilan at tila iniiwasan na siya ng dating ka-loveteam sa GMA na si Aljur Abrenica.

Biglang-bigla daw kasi siyang in-unfriend at in-unfollow sa social media.

Galit daw ba si Aljur sa kanya? If so, bakit naman daw?

Himutok ni Kris: “Wala kaming communication. Ang alam ko, hindi kami magkagalit. I even try to reach out!”

Ang problema, hindi daw siya sinasagot ng aktor no matter what.

Patuloy ni Mrs. Perry Choi: “Nagte-text ako sa kanya, nagba-Viber pero wala talaga! Ang tagal ko na siyang kino-contact!”

The reason why Kris wants to talk to Aljur is to have him as guest on her YouTube channel.

Sinubukan din daw ni Kris na tanungin ang kapatid nitong si Vin Abrenica, baka daw kasi nagpalit na ito ng contact number.

“Yun pa din daw… pero bakit parang lumalayo siya sa akin? Ano ba ang nagawa ko, wala naman!”

Dahil dito’y in-unfollow na rin daw niya si Aljur.

Pero feeling ni Kris, dahil sensitive daw ang aktor–she may have offended him noong i-prank niya ito noon.

“Pandemic pa ‘yon sa YouTube channel ko. Sinakyan naman niya ang prank ko. Dalaga pa ako noon.

Concerned pa nga siya dahil pinayuhan niya ako…after that, hindi na niya ako kinausap. Baka ‘yun ang reason!”

Kung ‘yun man, ang babaw! Ronnie Carrasco III