MANILA, Philippines – Handa nang ipaliwanag ng defense team ni Vice President Sara Duterte ang paggamit ng mga alyas para sa confidential funds, kabilang si “Mary Grace Piattos” na naging basehan ng impeachment complaint na inihain laban dito.
“Specifically the ‘Mary Grace Piattos,’ we are ready to respond to that and explain bakit may mga ganyan,” sinabi ni Michael Poa, spokesperson ng defense team ni Duterte.
“She will address those issues in the appropriate time at kung ang circumstances bakit may ‘Mary Grace Piattos’ and things like that, and that has been something we have been preparing for last year pa,” dagdag pa nito.
Kasalukuyang minomonitor ng team ang posibleng aksyon ng Kongreso sa dalawang impeachment complaints laban sa Bise Presidente.
“Hindi naman natin pwede i-deny na nasa isip din naman natin ang numero,” ani Poa.
“May number man o wala, sa atin naman basta ang sa atin ay makumbinsi natin ang ating mga kongresista na walang basehan ang mga paratang na ’to,” dagdag pa niya.
Nananatiling ‘in high spirit’ umano si Duterte sa kabila ng mga impeachment complaint. RNT/JGC
