MANILA, Philippines – Ayon kay dating Senate President Franklin Drilon, maaaring hindi ituloy ang impeachment trial laban kay Vice President Sara Duterte kung mapalitan si Senate President Vicente “Tito” Sotto III ng isang senador mula sa minority bloc.
“If Tito Sotto is replaced as Senate President and the new Senate President comes from the minority, the Senate trial will not push through,” ani Drilon.
Kung mananatili si Sotto sa puwesto, may posibilidad na ituloy ang trial, depende sa pagsusumite ng impeachment complaint mula sa House.
Noong Pebrero 5, 2025, ipinasa ng House ang Articles of Impeachment sa Senado. Subalit noong Agosto, isang malakas na boto sa Senado ang nag-archive sa kaso matapos ideklara ng Korte Suprema na unconstitutional ang complaint. Si Sotto ay kabilang sa apat na senador na bumoto laban sa pag-archive.
Sinabi rin ni Drilon na ang mga paggalaw para palitan si Sotto ay may kaugnayan sa 2028 presidential elections, at inaasahan niyang lakas-lakasan ang politikal na laban habang papalapit ang eleksyon.
Ilang minority senators na kaalyado ni VP Duterte o ni dating Pangulong Rodrigo Duterte ang kabilang sa mga nagpapalakas ng posibleng ouster laban kay Sotto, kabilang sina Bato Dela Rosa, Robin Padilla, Imee Marcos, Bong Go, at Rodante Marcoleta.
Si Sotto, ayon kay Drilon, ay may suporta pa rin mula sa majority bloc ngunit maliit lamang ang lamang kumpara sa siyam na minority senators, kaya maaaring makaapekto ito sa outcome ng impeachment trial. RNT/MND
