MANILA, Philippines – Kinumpirma ng Department of Justice (DOJ) na iniimbestigahan sina Jonathan Payawal So at Carlito Macadangdang kaugnay ng umano’y anomalya sa mga proyekto ng flood control.
Sina So at Macadangdang ay inuugnay umano sa Topnotch Catalyst Builders, isa sa mga kontraktor na nahaharap sa reklamo kaugnay ng kontrobersya sa flood control.
Ayon kay Prosecutor General Richard Fadullon, lumalabas ang pangalan ni So sa Topnotch na proponent dahil hindi naman siya contractor.
“Kaya nasa panel of prosecutors pa rin kung paano nila makikita ang partisipasyon niya, base sa ebidensyang magpapakita kung ano ang naging papel niya,” sabi ni Fadullon.
Ayon pa kay Fadullon, kailangan pa nilang hintayin dahil magiging bahagi ito ng resolusyon. Jocelyn Tabangcura-Domenden
