MANILA, Philippines – Sinabi ng Department of Agriculture (DA) ang posibilidad na magpataw ng mas mataas na taripa sa imported na artificial sugar sa hangaring suportahan ang demand para sa locally production na asukal.
Ayon sa DA ang plano ay naaayon sa hakbang ng gobyerno na palawigin ang pagbabawal sa pag-import ng asukal hanggang Disyembre 2026.
Bunsod nito ibinunyag ni Agriculture Secretary Francisco Tiu Laurel Jr. sa ginanap na Economic Journalists Association of the Philippines (EJAP) induction of officers noong Lunes ng gabi sa Makati City.
Nabatid sa hepe ng Agrikultura na nakausap niya si Finance Secretary Frederick Go tungkol sa plano.
“Nakipag-usap ako sa kanya [Go]… tinanong kung ano ang masasabi niya tungkol sa pagtaas ng mga taripa sa artipisyal na asukal. Sinabi niya na mukhang okay sa kanila,” sabi ni Tiu Laurel.
“Kaya kami ay magbubuo at magkalkula kung ano ang magiging tamang halaga ng taripa na maaari naming taasan,” dagdag niya.
Samantala ipinaliwanag ng hepe ng Agrikultura na ang plano ay isinasaalang-alang matapos tumaas ang mga pag-import ng artipisyal na asukal noong 2025.
“Sa mga tuntunin ng katumbas nito sa asukal, ang artipisyal na asukal ay tumaas ng 200,000 tonelada… dahil hindi ito kinokontrol,” sabi niya.
Kaugnay nito sinabi ng pinuno ng Agrikultura na ang nakaplanong pagtaas sa artificial sugar tariff rate, na kasalukuyang nasa 5%, ay hindi magiging “masyadong mataas.”
Noong Disyembre 2025, inanunsyo ni Tiu Laurel ang pagpapalawig ng sugar importation moratorium hanggang sa katapusan ng 2026 sa layuning bigyang-priyoridad ang lokal na gawang asukal at patatagin ang merkado sa gitna ng mas malakas na domestic raw sugar output.
Idinagdag pa ng hepe ng agriculture na tinatapos ng DA ang regulatory framework tungkol sa pag-import ng molasses.
Kasama sa mga panukala ang pag-aatas sa mga user ng molasses na bumili at mag-withdraw ng mga lokal na gawang molasses, at papayagan lang ang mga pag-import kapag natugunan ang mga obligasyong iyon. (Santi Celario)
