BATANGAS, Philippines – Isang magnitude 3.4 na lindol ang tumama sa karagatan malapit sa bayan ng Calatagan, Batangas nitong Huwebes ng umaga, ayon sa Philippine Institute of Volcanology and Seismology (Phivolcs).
Ayon sa Phivolcs, naganap ang tectonic na lindol alas-10:01 ng umaga. Natukoy ang epicenter nito 19 kilometro timog-kanluran ng Calatagan at may lalim na 52 kilometro.
Ang tectonic na lindol ay dulot ng biglaang paggalaw ng mga bato sa kahabaan ng fault o hangganan ng mga tectonic plate.
Naitala ang lindol sa Instrumental Intensity 1 sa Puerto Galera, Oriental Mindoro. Ang instrumental intensity ay sinusukat gamit ang intensity scale.
Sinabi ng ahensya na walang inaasahang pinsala o aftershocks mula sa lindol.
Ang Calatagan ay nasa humigit-kumulang 71 kilometro mula sa Batangas City at 131 kilometro mula sa Metro Manila.
Kabilang ang Batangas sa mga lugar sa bansa na madalas makaranas ng lindol dahil sa pagkakaroon ng Lubang Fault na matatagpuan sa pagitan ng Mindoro Island at Batangas. RNT/MND
