MANILA, Philippines – Nagsimula na ang Pilipinas sa pagpapalakas ng mga prayoridad bilang Chair ng Association of Southeast Asian Nations (ASEAN) para sa 2026, kabilang ang seguridad, integrasyon ng ekonomiya, at sosyal na kaunlaran.
Noong Enero, pinangunahan ng Pilipinas ang ASEAN Foreign Ministers’ Retreat sa Cebu upang itakda ang strategic direction ng ASEAN, kabilang ang pag-abot sa Code of Conduct sa South China Sea sa 2026. Nagtipon din ang Senior Economic Officials sa Bohol para i-align ang regional economic priorities at repasuhin ang Digital Economy Framework Agreement.
Sa ASEAN Tourism Forum, inilunsad ang ASEAN Tourism Strategic Plan 2026–2030 para gawing mas accessible at sustainable ang turismo, lumikha ng trabaho, at protektahan ang lokal na kultura at kalikasan. Humigit-kumulang 20 ASEAN Technical Working Group meetings rin ang naganap ngayong buwan bilang preparasyon sa mas mataas na antas ng pulong.
Sa Marso, nakatakda ang mataas na antas na pagpupulong:
–Marso 3–6: ASEAN Socio-Cultural Community Council Meeting sa Maynila, nakatuon sa R.I.S.E. priorities: resilient families, inclusive development, smart youth & innovations, at food security.
–Marso 5–6: ASEAN Senior-Level Committee on Financial Integration, pinangungunahan ng Bangko Sentral ng Pilipinas, para sa financial cooperation at inclusion.
–Marso 11–13: 32nd ASEAN Economic Ministers’ Retreat, pinamumunuan ng DTI, para sa economic integration, green transformation, at digital economy.
–Marso 26: 44th ASEAN Capital Markets Forum Chairs’ Meeting sa Boracay, para sa capital market integration at sustainable finance.
Ayon sa mga opisyal, layunin ng Pilipinas bilang host at Chair na palawakin ang market access para sa mga Filipino exporters, akitin ang investments, at gawing konkretong benepisyo ang ASEAN cooperation para sa mamamayan. RNT/MND
