MANILA, Philippines – Suportado ni Pangulong Ferdinand R. Marcos Jr. ang panukala ng Department of Budget and Management’s (DBM) nas mas babaan ang cap sa unprogrammed appropriations (UAs) ng hanggang 3% ng national budget.
Sinabi ni Presidential Communications Office (PCO) Undersecretary at Palace Press Officer Claire Castro na ang fiscal policy direction ng DBM ay “to adopt a more prudent and disciplined approach by setting the level of UAs at a rate lower than 5 percent of the total national budget, based on historical data and fiscal trends.”
Winika pa ni Castro na binabalangkas na ngayon ng DBM ang panukalang Philippine Budgeting Code naglalayong i-institutionalize ang mga mahahalagang fiscal reforms, kabilang na ang mas malinaw na parameters na gabay sa ‘level, scope at conditions’ para sa pagpapalabas ng unprogrammed funds.
“A central policy intention under the proposed reform is to ensure that unprogrammed appropriations are confined to a limited and clearly defined purpose, thereby preventing its use as a broad or discretionary funding mechanism and enforcing fiscal discipline,” ang sinabi pa ni Castro.
“The draft measure will be submitted for review by the economic team, the Executive Secretary, and ultimately the President,” ayon pa kay Castro.
Aniya pa, ang panukala ay nananatili na nasa ilalim ng policy development at interagency consultation.
Sinabi pa ni Castro na ang tumpak na threshold ay mananatiling paksa para sa karagdagang deliberasyon at pag-apruba ni Pangulong Marcos sa konteksto ng panukalang Budgeting Code.
Samantala, itinutulak naman ni Acting DBM Secretary Rolando Toledo ang pagtapyas sa UA level ng 3% sa kabuuang national budget para i-enhance ang transparency at accountability sa budget management.
Ang panukala ay ginawa bunsod na rin ng mga nagdaang kontrobersiya na nakabalot sa unprogrammed funds.
Makikita sa data ng DBM na ang alokasyon para sa UA ay patuloy na tinatanggihan, bumaba ng P150.9 billion noong 2026 mula P363.4 billion noong 2025, at mas bumaba sa P731.4 billion noong 2024 at P807.2 billion noong 2023. (KRIS JOSE)
