MANILA, Philippines – Hinihikayat ng lokal na pamahalaan ng Maynila at Commission on Elections (COMELEC) ang mga residente na lumahok sa isinasagawang Special Register Anywhere, Anytime Program.
Ayon sa COMELEC, isinasagawa ito sa Third Level, North Wing ng SM City San Lazaro at nagsimula alas-9:00 ng umaga hanggang alas-5:00 ng hapon.
Dito ay maaaring magparehistro at magpa-update ng kanilang voter’s ID ang bawat Manileño.
Hinikayat naman ang mga kabataan na magparehistro upang makaboto at makilahok sa nalalapit na 2026 Barangay at Sangguniang Kabataan Elections.
Paalala ng COMELEC, magdala lamang ng anumang government-issued ID o kaya cedula, barangay ID o certificate, company ID, at police clearance kapag nais magparehistro.
