VATICAN – Habang tumitindi ang labanan sa ikasiyam na araw ng pag-atake ng US at Israel sa Iran, binigyang-diin ng unang US pope ang takot at galit na dulot ng hidwaan, at nagbabala na maaaring kumalat pa ito.
Sinabi ng Santo Papa na kasabay ng mga insidente ng karahasan, pagkawasak, at laganap na galit at takot, tumataas din ang pangamba na maaaring lumawak ang hidwaan at maapektuhan ang ibang bansa sa rehiyon, kabilang ang mahal na Lebanon, na maaaring muling magdusa sa kawalang-stabilidad.
“Mag-alay tayo ng taos-pusong panalangin sa Panginoon upang tumigil na ang ingay ng mga bomba, tumahimik ang mga armas, at magbukas ng espasyo para sa diyalogo kung saan maririnig ang tinig ng mga tao,” dagdag niya.
Nagbabala rin ang pangunahing diplomat ng Vatican noong Miyerkules na ang mga pag-atake ng US-Israel ay lumalabag sa pandaigdigang batas at binatikos ang ideya ng “preventive wars,” na isang hindi pangkaraniwang direktang kritisismo sa kampanyang militar. Jocelyn Tabangcura-Domenden
