252 players, 84 teams nagrambulan sa Beyblade Showdown sa Makati

MAKATI CITY, Philippines – Mainit ang naging laban at excitement sa Ten-O Grand Tournament 3 (GT #3) matapos magtipon ang 252 individual players na bumuo ng 84 teams, ang pinakamarami sa kasaysayan ng Ten-O GT!.

Umingay at nag-alab sa tensyon sa mga Beyblade arena ng Cash & Carry Makati, habang nagbanggaan ang lakas, diskarte, at teamwork ng mga top bladers sa bansa.

Ayon sa organizer na si Arjay Reginio, mas piniling team format ang GT #3 dahil mas doble ang saya at kaba.

“I really like the team format in Beyblade as the excitement and thrill is double compared to solo battles. You have a teammate you can rely on when you lose, your team share the fun when winning, and sadness when losing. So far, this is the most number of participants we’ve organized and we’re happy to do it again,” ani Reginio.

At ramdam na ramdam nga ito sa buong torneo, mula first round hanggang finals, bawat match ay puno ng sigawan, clutch moments, at solid na sportsmanship.

Nagkampeon sa paligsahan ang Mga Barts na binubuo nina Lester Daniel Yema, Augusto Calderon, at Evan Paul Ramos na tumanggap ng ₱10,000 each cash prize, trophy at medal, 1-night stay for 2 sa Guijo Suites Makati, Beyblade deck case mula kay Ralph Nito at Gundam item mula kay Arken.

Nakuha naman ng Shiniga Nani (Reginald Opon, Mark Alwyn Medalla, Lloyd Adrian Charita) ang 2nd place na may premyong ₱6,000 each, trophy at medal at Beyblade deck case mula kay Ralph Nito.

Naibulsa naman ng Pok2Paco (Patrick Tiangco, Paul Gio Belmes, Christian Pinca) ang 3rd place award na may premyong ₱3,000 each, trophy at medal at Beyblade deck case mula kay Ralph Nito.

Nagkasya sa 4th place ang Aero City Bladers (Bernard Orpilla, Colleen Lozano, Johnver Bautista) na tumanggap ng ₱1,500 each, trophy at medal, at Beyblade deck case mula kay Ralph Nito.

Idineklara Swiss Kings ang Camanava Crusaders (Adam Tan, Andrew Co, Jeofell Lim) na nagbulsa ng tig-₱2,000, trophy at medal, Beyblade deck case ni Ralph Nito

Nagwagi rin bilang 5th Place ang Aswang Anyag at 6th place naman ang Aswang Bloodmoon, hindi naman nagpahuli ang Reverends Reloader at OnBladers El LassiBuster na hinirang na 7th at 8th placers. Tumanggap sila ng tig-500 na may kasamang Beyblade X merchandize

Ayon kay Shanel Vibal, isa pang organizer ng torneo, wala pang final gimmick o format para sa susunod na GT, pero may inihahandang malaking pasabog ang Ten-O Collections team.

“No specific gimmicks/format for now but we are eyeing for a venue outside Metro Manila, so watch out for our next update/announcement in our Ten-O Collections page.”