MANILA, Philippines – Patay ang isang tatlong taong gulang na babae sa sunog sa Guimbal, Iloilo nitong Huwebes.
Base sa imbestigasyon, natutulog ang bata sa isang kwarto sa ikalawang palapag habang dumadalo ang kanyang ina sa isang pulong ng barangay.
Narinig ng lola, na nasa unang palapag, ang iyak ng bata ngunit hindi niya ito naabutan dahil mabilis na kumalat ang apoy sa kanilang bahay at sa tatlong karatig na tahanan, na nagdulot ng tinatayang P2 milyon na pinsala.
Iniimbestigahan ng mga awtoridad ang posibleng sanhi ng sunog na isang overheated na electric fan.
Ang mga pamilyang apektado ng sunog ay pansamantalang nananatili sa barangay hall. Mary Anne Sapico
