MANILA, Philippines – INAASAHAN ng Department of Migrant Workers (DMW) na nasa 2,000 Overseas Filipino Workers (OFWs) mula sa United Arab Emirates, Saudi Arabia, Oman, Qatar, at Israel ang maiuuwi bago magtapos ang linggong ito.
Kasalukuyan umanong umaandar ang proseso ng evacuation ng mga OFW nang may pagsisikap, kabilang na rito ang kanilang exit clearances at visas.
Sa ngayon ay nakabili na ang gobyerno ng 1,000 repatriation at post-repatriation tickets, karamihan nito ay sa chartered at commercial flights.
